Donald Trump ka mbajtur një fjalim të cilin e nisi me një minutë heshtje, për aksidentin ajror të ndodhur në Uashington, ku një avion pasagjerësh u përplas me një helikopter ushtarak.
Sipas mediave të huaja, Presidenti thotë se kjo është një "orë ankthi për kombin tonë" dhe një "tragjedi e vërtetë".
Ai thotë se një "operacion masiv kërkimi dhe shpëtimi" ka qenë duke u zhvilluar, shkruan A2 CNN. “Mjerisht nuk ka të mbijetuar”, konfirmon Trump.
"Si një komb i vetëm, ne pikëllohemi për çdo shpirt të çmuar që na është marrë kaq papritur", tha , tha më tej Trump.
Ai thotë se tragjedia "ka tronditur vërtet shumë njerëz", përfshirë ata nga vende të tjera, qytetarët e të cilëve ishin në bordin e avionit.
Presidenti shpreh ngushëllimet e tij dhe të Zonjës së Parë për familjet e viktimave.
“Ne nuk e dimë se çfarë çoi në këtë përplasje, por kemi disa opinione dhe ide shumë të forta”, thotë Trump, duke u zotuar të sigurohet që asgjë tjetër e ngjashme të mos ndodhë përsëri.
Më tej Trump nisi të sulmojë Barack Obamën dhe Joe Biden, duke pretenduar se ata kanë dobësuar standardet për kontrollorët e trafikut ajror.
"Unë vendos sigurinë në radhë të parë. Obama, Biden dhe demokratët vënë politikën në radhë të parë," thotë ai.
"Ata e vendosin politikën në një nivel që askush nuk e ka parë ndonjëherë", shtoi Trump. Ai thotë se "politika e tyre ishte e tmerrshme".
Trump thotë gjithashtu se kur u kthye në detyrë këtë muaj ai nënshkroi urdhra ekzekutivë që "rikthyen standardet më të larta të trafikut ajror". (A2 Televizion)
A2 CNN Livestream
MUND TE LEXONI GJITHASHTU
