Aleanca e Atlantikut të Veriut ka rritur nivelin e alarmit për shkak të një kërcënim ndaj bazës së saj ushtarake në landin e Westfalisë në Gjermani. Një sulm i mundshëm terrorist kërcënonte bazën më të madhe ajrore të NATO në Europë, citon media e njohur gjermane Die Welt.
Në një postim në X NATO vuri në dukje se ka ngritur nivelin e sigurisë, por pa dhënë detaje se nuk kush vinte kërcënimi. Agjencia gjermane e lajmeve dpa tha se një gazetar pa makina policie në terrenin e bazës ajrore. Zëdhënësi tha se baza që strehon flotën e NATO-s të avionëve të vëzhgimit po punonte me staf minimal si masë paraprake pasi operacionet vazhduan siç ishte planifikuar.
Situata e vështirë në bazën ajrore të NATO në Gjermani, pason alarmin e ngritur para disa ditësh në bazën tjetër të NATO në Këln të Gjermanisë.
Në lidhje me sabotimin e dyshuar në bazën në Këln, ushtria gjermane dha të gjitha detajet e qarta, të cilat e lidhnin me mundësinë e ndotjes së ujit brenda bazës por rezultatet e testimit kishin treguar se uji i rubinetit nuk ishte i ndotur.
NATO ka paralajmëruar në të kaluarën për një fushatë të aktiviteteve armiqësore të organizuara nga Rusia, duke përfshirë aktet e sabotimit dhe sulmeve kibernetike. Rusia ka akuzuar rregullisht NATO-n se kërcënon sigurinë e saj. Në qershor, Sekretari i Përgjithshëm i NATO-s, Jens Stoltenberg tha se aleanca ushtarake perëndimore pa një model i cili po evoluonte dhe se sulmet e fundit ishin rezultat i inteligjencës ruse duke u bërë më aktive.
Disa incidente në territorin e NATO-s janë trajtuar si të dyshimta nga analistët në vitet e fundit, mes tyre ndërprerja e një kablloje jetike nënujore që lidh Svalbardin me Norvegjinë kontinentale në vitin 2022./ A2 CNN (A2 Televizion)
A2 CNN Livestream
MUND TE LEXONI GJITHASHTU
