Shpërthime të fuqishme janë regjistruar gjatë natës në Bejrut, si pasojë e sulmeve të njëpasnjëshme të avionëve izraelitë që si objektiv kryesor kishin zonat përreth aeroportit ndërkombëtar të Libanit, që njihen si një bastion i grupit të militantëve Hezbollah.
Ministria e shëndetësisë në Liban bëri me dije se 37 persona janë vrarë në sulmet tokësore dhe ajrore izraelite në 24 orët e fundit, ndërsa 151 të tjerë janë plagosur.
Më herët, ushtria libaneze konfirmoi se dy ushtarë të saj ishin vrarë në jug të vendit ndërsa forcat izraelite vazhduan me ofensivën e tyre kundër Hezbollahut dhe urdhëruan evakuimin e 20 qyteteve dhe fshatrave të tjerë, shkruan A2.
Ushtria izraelite nuk ka komentuar ngjarjen, por insistoi se trupat e saj kishin vrarë luftëtarët e Hezbollahut pranë kufirit. (A2 Televizion)
A2 CNN Livestream
MUND TE LEXONI GJITHASHTU
