Ekipi negociator ukrainas ka zhvilluar bisedime me zyrtarët amerikanë Steve Witkoff dhe Jared Kushner.
Sipas mediave të huaja, kryenegociatori i Ukrainës i përshkroi bisedimet me ekipin amerikan në Berlin si konstruktive dhe produktive.
Rustem Umerov shtoi se është arritur "përparim i vërtetë" dhe shpreson të arrijë një marrëveshje "që do të na afrojë më shumë me paqen deri në fund të ditës".
“Ekipi amerikan i udhëhequr nga Steve Witkoff dhe Jared Kushner po punon në mënyrë jashtëzakonisht konstruktive për të ndihmuar Ukrainën të gjejë një rrugë drejt një marrëveshjeje paqeje që do të zgjasë”, shkroi ai në një postim në rrjetin social ‘X’.
"Ekipi ukrainas është jashtëzakonisht mirënjohës ndaj Presidentit Trump dhe ekipit të tij për të gjitha përpjekjet që po bëjnë", vijoi ai më tej, shkruan A2 CNN.
Kjo deklaratë vjen pasi Kievi i dorëzoi Uashingtonit një propozim të përditësuar për paqe javën e kaluar, i cili përbëhej nga 20 pika, në vend të planit fillestar prej 28 pikash që kishte propozuar ekipi i Donald Trump. (A2 Televizion)
A2 CNN Livestream
MUND TE LEXONI GJITHASHTU
