Kryeministri britanik, Keir Starmer, po zhvillon një vizitë zyrtare në Gjermani. Me anë të saj synon që të rifillojë nga e para marrëdhënien mes Mbretërisë së Bashkuar dhe Europës. Starmer do të takohet sot me kancelarin gjerman, Olaf Scholz, përpara se të bisedojë me presidentin francez, Emmanuel Macron, gjatë të enjtes.
Kryeministri britanik thotë se “rifillimi i marrëdhënieve me Europën është një mundësi që vjen vetëm një herë në gjeneratë”.
“Ne duhet të bëjmë një kthesë në Brexit dhe të rregullojmë raportet e thyera që mbetën pas nga qeveria e kaluar”, thekson Starmer.
Britania e Madhe po punon për një partneritet të ri me Gjermaninë, me një marrëveshje që pritet të vuloset brenda këtij viti. Në të do të përfshihen çështje si tregtia, mbrojtja, emigracioni i paligjshëm dhe shumë tema të tjera të rëndësishme. (A2 Televizion)
A2 CNN Livestream
MUND TE LEXONI GJITHASHTU
