Sulmet me dronë dhe raketa ruse kanë dëmtuar 321 objekte të infrastrukturës portuale të Ukrainës që nga korriku i vitit të kaluar, tha presidenti Volodymyr Zelensky.
Njëzet anije tregtare që i përkisnin vendeve të tjera u dëmtuan gjithashtu nga sulmet ruse, shtoi ai. Moska ka mohuar në mënyrë të përsëritur se ka sulmuar objektiva civilë.
Ukraina është një prodhues i madh global i grurit dhe misrit dhe para pushtimit rus ajo eksportonte rreth 6 milionë tonë drithë në muaj nëpërmjet Detit të Zi.
Zelensky tha gjithashtu se ai besonte se objektivat kryesore të presidentit rus Vladimir Putin ishin të pushtonte të gjithë Donbasin, i cili përbëhet nga rajonet Donetsk dhe Luhansk, si dhe të dëbonte trupat ukrainase nga rajoni rus Kursk.
“Për Putinin, gjëja më e rëndësishme është të na shtyjë nga rajoni i Kurskut. Jam i sigurt se ai dëshiron të na largojë deri më 20 janar”, tha Zelensky për mediat. Është shumë e rëndësishme që ai të tregojë se e ka nën kontroll situatën”. (A2 Televizion)
A2 CNN Livestream
MUND TE LEXONI GJITHASHTU
