Kandidati republikan për president të Shteteve të Bashkuara të Amerikës, Donald Trump, premtoi se qeveria amerikane do të mbulojë shpenzimet e programeve të fertilitetit për çiftet që kanë vështirësi për të bërë fëmijë.
“Për IVF (fertilizimi In Vitro) e kam parë këtë problem dhe ajo që do të bëjmë për njerëzit që përdorin IVF, që është fertilizimi, ne do të... qeveria... Qeveria do të paguajë për të, ose do të detyrojmë kompanitë e sigurimeve të paguajnë për të, çka do të jetë fantastike. Do ta bëjmë!”, tha Trump gjatë një tubimi elektoral në Uiskonsin. “Duam të prodhojmë bebe në këtë vend, apo jo? Duam të prodhojmë bebe!”.
Më herët, në një takim tjetër në Miçigan, Trump premtoi se administrata e tij do të punojë për të lejuar prindërit e rinj që “t’u njihen shpenzimet madhore për të porsalindurit” dhe t’u zbriten nga taksat.
Sondazhet e fundit tregojnë se Trump ka humbur terren ndaj kandidates demokrate, Kamala Harris, te votueset femra. (A2 Televizion)
A2 CNN Livestream
MUND TE LEXONI GJITHASHTU
