Një seri sulmesh ajrore izraelite kanë goditur disa objekte ushtarake në Sirinë qendrore të dielën. Duke iu referuar mediave shtetërore siriane, A2 raporton se sulmet izraelite gjatë natës vranë të paktën 14 persona në provincën qendrore të Hamës dhe plagosën 43 të tjerë.
Sipas burime rajonale të inteligjencës për Reuters, një qendër e madhe kërkimore ushtarake për prodhimin e armëve kimike e vendosur pranë Misyaf ishte goditur disa herë. Besohet se strehon një ekip ekspertësh ushtarakë iranianë të përfshirë në prodhimin e armëve.
“Numri i martirëve që rezultoi nga agresioni izraelit në një numër vendesh në afërsi të Masyaf është rritur në 14 martirë dhe 43 të plagosur, duke përfshirë gjashtë në gjendje kritike”, njoftoi agjencia zyrtare e lajmeve Sana duke cituar një burim mjekësor.
“Rreth orës 23:20 të së dielës në mbrëmje, armiku izraelit nisi një agresion ajror nga drejtimi i Libanit veriperëndimor, duke synuar një numër vendesh ushtarake në rajonin qendror (të Sirisë). Sistemet tona të mbrojtjes ajrore u përballën me raketat e agresionit dhe rrëzuan disa prej tyre,” tha një burim ushtarak për agjencinë e lajmeve Sana, raporton A2.
Sulmi në Siri thuhet se kishte në shënjestër disa vende pranë qyteteve Homs, Hama dhe Tartus . (A2 Televizion)
A2 CNN Livestream
MUND TE LEXONI GJITHASHTU
