Greqia ka njoftuar së fundmi planet për aplikimin e një strategjie kombëtare për të trajtuar varësinë nga interneti dhe përdorimin e tepërt të mediave sociale tek të miturit.
Kryeministri Mitsotakis prezantoi një platformë për kontrollin prindëror që ndihmon prindërit të kufizojnë kohën përpara ekranit dhe të bllokojnë përmbajtjen e papërshtatshme. Ai theksoi se ndalimi total i mediave sociale nuk është zgjidhja dhe se prindërit duhet të vendosin kufij, si në fusha të tjera të edukatës.
Një fazë e dytë e strategjisë, që do të nisë në pranverë, do të sjellë një platformë për verifikimin e moshës dhe përmirësimin e kontrollit prindëror.
Qeveria greke do të bashkëpunojë me BE-në dhe kompanitë e teknologjisë për të promovuar rregullore për përmbajtjen online për të miturit.
Një studim i OBSH-së tregoi se 13% e të rinjve grekë shfaqin shenja nga përdorimi problematik i mediave sociale, ndërsa një sondazh zbuloi shqetësim për rritjen e dhunës në internet.
Greqia gjithashtu ka ndaluar përdorimin e telefonave celularë në shkolla që nga shtatori. (A2 Televizion)
A2 CNN Livestream
MUND TE LEXONI GJITHASHTU
