23-vjeçari që hapi zjarr ndaj nxënësve të një shkolle në Mineapolis, teksa po luteshin në kishë ishte i fiksuar me idenë e vrasjes së fëmijëve.
Robin Westman, i cili vrau 2 fëmijë dhe plagosi 18 të tjerë nuk dukej të kishte ndonjë motiv specifik sipas kreut të policisë së Mineapolis, Brian O'Hara. “Ai na urrente të gjithëve, e më shume se çdo gjë donte të vriste fëmijë”, ishin fjalët e O Harës.
Viktimat janë identifikuar nga familjarët si Fletcher Merkel, 8 vjeç dhe Harper Moyski, 10. Prindërit e Fletcher thanë se djali i tyre 8-vjeçar e donte familjen e tij, ishte i dhënë pas miqve, peshkimit, gatimit dhe sporteve.
”Jepuni fëmijëve tuaj më shumë puthje e përqafime sot”, tha i prekur babai i tij. Fjalë zemre përcollën edhe të afërmit e 10 vjeçares Harper, të cilët thanë se asnjë familje nuk duhet të durojë një dhimbje të tillë.
Histori guximi dhe frike kanë pushtuar titujt pas tragjedisë, si ajo e 10 vjeçarit që iu bë mburojë një nxënësi me te vogël në moshë duke i shpëtuar edhe jetën, një 8-vjeçari që ishte lutur pa pushim teksa fshihej poshtë stolit, apo një 11 vjeçari të frikësuar që i kërkonte të atit të mbyllte dyert dhe ulte perdet pasi mbërritën në shtëpi.
Autoritetet kanë publikuar pak detaje lidhur me autorin por thanë se Westman kishte marrë pjesë në të kaluarën në meshën e Kishës dhe nëna e tij punonte atje. Ai kishte shprehu urrejtje ndaj një sërë grupimesh, përfshire komunitetin hebre dhe presidentit Trump.
Si adoleshent, Robin Westman që e identifikonte veten grua, pretendonte të ishte pezulluar nga shkolla pasi kishte diskutuar për sulme me armë me shokët e klasës. Në një ditar, shkruante se incidenti ishte edhe zanafilla e tij me obsesionin ndaj vrasjeve masive. Sipas departamentit të policisë, qëllimi i tij ishte të bëhej i famshëm. (A2 Televizion)
A2 CNN Livestream
MUND TE LEXONI GJITHASHTU
