Policia franceze ka vënë në pranga personin përgjegjës që shkaktoi zjarrin e madh pranë një sinagoge, ku mbeti i plagosur dhe një oficer policie.
Ministri i Brendshëm Gerald Darmanin tha se autori i dyshuar u arrestua mbrëmjen e së shtunës, teksa vlerësoi policinë për profesionalizmin e treguar.
Mediat franceze raportuan se i dyshuari u qëllua dhe u plagos nga policia pasi hapi zjarr ndaj oficerëve që shkuan për ta arrestuar në Nimes.
Më herët të shtunën, një oficer policie u plagos në shpërthimin e bombës molotov jashtë sinagogës Beth Yaacov në La Grande-Motte. Pesë persona, përfshirë rabinin, ishin brenda sinagogës në momentin e ngjarjes.
Shpërthimi është shkaktuar nga dy makina të cilat janë djegur jashtë. Burime policore thanë për mediat franceze se një nga automjetet përmbante një bombol gazi.
I dyshuari, i cili siç raporton A2 CNN mbante një shall palestinez, i vuri zjarrin gjithashtu dyerve hyrëse të sinagogës.
Liderët francezë reaguan menjëherë pas kësaj ngjarje të rëndë dhe e cilësuan atë si një akt terrorist. A2 CNN (A2 Televizion)
A2 CNN Livestream
MUND TE LEXONI GJITHASHTU
