Shtetet e Bashkuara, Franca dhe Britania e Madhe dhe aleatë të tjerë kanë bërë thirrje për një armëpushim 21-ditor mes Izraelit dhe Hamasit. Grupi prej 12 vendesh, pretendon se një hap i tillë do të mundësonte hapësirë për një zgjidhje diplomatike të konfliktit dhe një armëpushim në Gaza.
Në një deklaratë të përbashkët thuhet se aktet armiqësore ishin të patolerueshme dhe përbënin një rrezik të papranueshëm për një luftë të gjerë rajonale.
Siç raporton A2, deklarata erdhi pasi shefi i ushtrisë izraelite u tha trupave se bombardimet intensive ajrore mund t’i hapin rrugën inkursionit tokësor në territorin armik, siç e cilësoi.
“Një zgjidhje diplomatike është me të vërtetë e mundur. Ditët e fundit, ne kemi punuar me partnerët tanë amerikanë për një platformë të përkohshme armëpushimi prej 21 ditësh për të lejuar negociatat. Kjo platformë do të bëhet publike shumë shpejt dhe ne po llogarisim që të dyja palët ta pranojë atë pa vonesë për të mbrojtur popullsinë civile dhe për të lejuar fillimin e negociatave diplomatike”, deklaroi ministri i Jashtëm francez, Jean-Noel Barrot, transmeton A2.
Kryeministrja libaneze Najib Mikati shpreson se një armëpushimi mund të arrihet së shpejti për t’i dhënë fund luftimeve që kanë tronditur vendin dhe kanë nxitur frikën për një pushtim tokësor.
Sipas një zyrtari të lartë të administratës Biden, armëpushimi do të ishte i vlefshëm për të ashtuquajturën “Vija Blu”, vija e demarkacionit mes Libanit dhe Izraelit dhe do të lejojë palët të negociojnë drejt një zgjidhje të mundshme diplomatike të konfliktit.
Lideri i opozitës, Yair Lapid ka thënë se Izraeli duhet ta pranojë propozimin franko-amerikan, por vetëm për 7 ditë.
Izraeli, që e ka kthyer në prioritet sigurimin e kufirit verior për rikthimin e rreth 70 mijë banorëve të shpërngulur, vijoi sulmet ajrore gjatë së mërkurës duke vrarë te paktën 72 persona e duke plagosur qindra të tjerë. Mbi 600 qytetarë kanë mbetur të vrarë që prej së hënës, dhe me dhjetëra mijëra janë shpërngulur. (A2 Televizion)
A2 CNN Livestream
MUND TE LEXONI GJITHASHTU
