Avionët e Izraelit kanë lëshuar fletushka mbi Gazë të shtunën, me foton e kreut të vdekur të Hamasit, Yahya Sinwar si dhe me mesazhin se “Hamasi nuk do ta udhëheqë më Gazën”.
Kjo lëvizje erdhi pasi sulmet izraelite vranë të paktën 32 persona në Rripin e Gazës dhe ushtria rrethoi spitalet në Jabalia në veri, shkruan A2 CNN.
Në fletushkat që binin nga ajri shkruhej në gjuhën arabe: “Kushdo që lëshon armët dhe i dorëzon pengjet do të lejohet të largohet dhe të jetojë në paqe”.
Yahya Sinwar vlerësohet se ka qenë arkitekti i sulmit të Hamasit më 7 tetor të vitit të kaluar në jug të Izraelit, gjatë të cilit janë vrarë 1200 persona, ndërsa janë marrë afro 250 pengje. Sulmi ka qenë fillim i luftës në Gazë e që tashmë është shtrirë edhe në Liban.
Tel Avivi dhe perëndimi shpresojnë se vrasja e liderit të Hamasit pritet të jetë fillimi i fundit të konfliktit të përgjakshëm. (A2 Televizion)
A2 CNN Livestream
MUND TE LEXONI GJITHASHTU
