Kancelari gjerman Olaf Scholz ka thënë se BE-ja është mjaft e fortë për të reaguar ndaj çdo tarife të vendosur nga SHBA.
Reagimi i Scholz, i cili është kancelari i ekonomisë më të madhe të Europës, erdhi pasi Presidenti i SHBA-ve, Donald Trump, shpalli tarifa ndaj BE-së.
“Ne do të kemi diskutime intensive për bashkëpunimin tonë me SHBA-në”, u tha Scholz gazetarëve, raportojnë mediat e huaja.
“Si SHBA-ja dhe Evropa përfitojnë nga tregtia e mallrave dhe shërbimeve”, tha ai më tej, shkruan A2 CNN.
“Nëse politikat tregtare e bëjnë këtë më të vështirë, do të jetë keq për SHBA-në dhe Evropën. Ajo që është e qartë është se si një zonë e fortë ekonomike, ne mund të formojmë politikat tona dhe t'i përgjigjemi tarifave të SHBA me tarifat tona. Kjo është diçka që ne duhet dhe do të bëjmë”, shtoi më tej Scholz.
Por ai shtoi se "qëllimi duhet të jetë të vazhdohet në një mënyrë që përfundimisht të çojë në bashkëpunim". (A2 Televizion)
A2 CNN Livestream
MUND TE LEXONI GJITHASHTU
