Presidenti rus Vladimir Putin u takua të mërkurën në Pekin me udhëheqësin e Koresë së Veriut Kim Jong Un dhe e falënderoi atë për guximin e ushtarëve të tij në luftën kundër forcave ukrainase, ndërsa Kim i tha se ishte gati të bënte gjithçka që mundet për të ndihmuar Rusinë.
Por më shumë sesa takimi i tyre, ajo që ndodhi pas tij tërhoqi vëmendjen e mediave ruse. Ata raportuan se stafi i diktatorit të Koresë së Veriut zhduku menjëherë të gjitha gjurmët e pranisë së Kim në dhomën ku u zhvillua takimi me Putinin.
Një video e postuar në Telegram tregon një punëtor që fshin karrigen e Kim-it, duke u kujdesur të pastrojë si krahët prej druri të saj ashtu edhe tavolinën pranë tyre.
North Korean leader Kim Jong Un's aides meticulously sanitize his presence after he leaves a room. They wipe down the chairs he sits and remove everything he touches to, reportedly, prevent foreign intelligence from collecting his DNA or biological traces.
— Tawqeer Hussain (@tawqeerhussain) September 3, 2025
Video source: @runews pic.twitter.com/5X4LEZYKXM
Në të njëjtën kohë, një punonjës tjetër i stafit të sigurisë heq gotën nga e cila piu Kim, që ndodhej në një tabaka.
Pamjet u shfaqën edhe në mediat sociale dhe duket se stafi i sigurisë donte të eliminonte çdo gjurmë të ADN-së së presidentit të tyre. Megjithatë, Putin dhe Kim u larguan nga zyra dukshëm të kënaqur dhe shkuan të pinin çaj.
Nuk është e qartë nëse Kim e urdhëroi këtë nga frika e shërbimeve sekrete të Putinit apo nga kinezët, por diktatori i Phenianit nuk është i vetmi udhëheqës botëror i shqetësuar për mbrojtjen e ADN-së së tij. Truprojat e Putinit thuhet se mbledhin urinën dhe jashtëqitjet e tij në qese të mbyllura kur ai është jashtë vendit dhe i dërgojnë ato në Moskë në valixhe të posaçme.
Kjo praktikë ka qenë në fuqi që nga viti 2017, me qëllim parandalimin e mbledhjes së informacionit në lidhje me shëndetin e tij përmes lëngjeve të tij trupore. (A2 Televizion)
A2 CNN Livestream
MUND TE LEXONI GJITHASHTU
