Koreja e Veriut ka publikuar për herë të parë imazhe të objektit të saj të pasurimit të uraniumit. Është një objekt sekret i ndërtuar për qëllime ushtarake, i zbuluar kur media shtetërore raportoi se lideri Kim Jong-un vizitoi zonën dhe bëri sërish thirrje për përpjekje më të mëdha për të rritur "në mënyrë eksponenciale" numrin e armëve bërthamore, shkruan A2.
Kim bëri thirrje për një rritje të centrifugave për pasurimin e uraniumit gjatë një vizite në Institutin e Armëve Bërthamore dhe "bazën e prodhimit të materialeve bërthamore të shkallës së armëve ", tha KCNA pa dhënë detaje mbi vendndodhjen e objektit ose datën e inspektimit në terren, raporton A2.
Është e paqartë nëse vendi është në kompleksin Yongbyon, ku ndodhet qendra kërkimore shkencore bërthamore e Phenianit. Thuhet se Pheniani po e zhvendos prodhimin e tij të plutoniumit nga reaktori i Yongbyon në një vend nëntokësor, në mënyrë që të mund të prodhohet më fshehtas dhe në sasi më të mëdha.
Siç shkruan A2, kjo është hera e parë që Koreja e Veriut zbulon publikisht detaje të objektit të saj të pasurimit të uraniumit, i cili është thelbësor për prodhimin e kokave bërthamore, së bashku me plutoniumin.
Agjencitë e inteligjencës koreano-jugore dhe amerikane besojnë se Koreja e Veriut operon objekte të ngjashme në kompleksin bërthamor Kangson pranë Phenianit dhe në qendrën bërthamore në Yongbyon. Në vitin 2010, Koreja e Veriut ftoi Siegfried Hecker, një shkencëtar bërthamor amerikan, për të inspektuar objektin e Yongbyon. Eksperti foli me habi për pajisjet e avancuara që kishte parë në funksionim.
Koreja e Jugut reagoi menjëherë, duke dënuar impiantin e ri të pasurimit të uraniumit të Phenianit dhe nënvizoi se Seuli "nuk do të pranojë kurrë zotërimin e armëve bërthamore nga Koreja e Veriut ". Zëdhënësi i Ministrisë së Unifikimit Koo Byoung-sam shpjegoi se "ne nuk do të spekulojmë për mundësinë e një testi bërthamor, por nëse Koreja e Veriut vazhdon, atëherë ajo do të përballet me një nivel të paparë parandalimi dhe sanksionesh".
A2 shkruan se zbulimi i fundit tenton më shumë presion mbi SHBA-në dhe aleatët e saj. (A2 Televizion)
A2 CNN Livestream
MUND TE LEXONI GJITHASHTU
