Presidenti i ekstremit të djathtë i Polonisë, Karol Nawrocki, ka anuluar një takim me Viktor Orban, pasi kryeministri hungarez u takua me Vladimir Putin në Moskë të premten e kaluar.
Sipas mediave të huaja, zyra e tij tha se Nawrocki kishte planifikuar të takohej me Orban të enjten e ardhshme, por vendosi ta kufizojë vizitën e tij në Hungari në një samit më të gjerë të liderëve të Evropës Lindore.
“Siguria e Evropës varet nga veprimet e solidaritetit, përfshirë edhe në fushën e energjisë”, shkroi në rrjetin social ‘X’ Marcin Przydacz, kreu i zyrës së politikave ndërkombëtare të Nawrocki-t.
Orban kishte diskutuar sigurinë energjetike me Putinin të premten, pasi Hungaria vazhdon të importojë naftë ruse pavarësisht sanksioneve perëndimore.
Mosmarrëveshja polako-hungareze pasqyron një përçarje si brenda Evropës, ashtu edhe brenda të djathtës ekstreme, shkruan A2 CNN.
Partia aleate e Nawrockit, Ligj dhe Drejtësi, i përket familjes së partive pro-ukrainase të Giorgia Meloni të Italisë, ndërsa aleanca rivale e Fidesz të Orbanit është më afër Rusisë. (A2 Televizion)
A2 CNN Livestream
MUND TE LEXONI GJITHASHTU
