Çmimi Nobel për Paqen 2026 i është dhënë Navi Pillay, ish-komisioneres së Kombeve të Bashkuara për të Drejtat e Njeriut, për përpjekjet e saj në promovimin e paqes dhe të së drejtës ndërkombëtare.
Komiteti Norvegjez i Nobelit vlerësoi kontributin e saj në forcimin e drejtësisë ndërkombëtare dhe në mbajtjen e shteteve e liderëve përgjegjës për veprimet e tyre. E lindur në Afrikën e Jugut, Pillay e nisi karrierën si avokate, duke u përballur me diskriminimin dhe duke mbrojtur të drejtat themelore të njeriut.
Gjatë shpalljes së çmimit në Oslo, kryetari i Komitetit Nobel theksoi se e drejta ndërkombëtare po përballet me presion të madh, ndërsa politika e fuqisë po kërcënon parimin se drejtësia duhet të mbizotërojë mbi forcën.
Çmimi Nobel për Paqen 2026 u përzgjodh mes 287 kandidaturave, nga të cilat 208 ishin individë dhe 79 organizata. (A2 Televizion)
A2 CNN Livestream
MUND TE LEXONI GJITHASHTU
