Negociatat për një armëpushim në Liban do të vijojnë, edhe pse ofensiva ushtarake e Izraelit kundër Hezbollah nuk do të ndalet. Kështu u shpreh kryeministri Izraelit Benjamin Netanjahu, pak orë parë e bëri të qartë se lufta kundër milicisë së armatosur në kufirin e vet verior, do të vijonte me fuqi të plotë.
Zyra e kryeministrit publikoi një deklaratë gjatë së premtes, ku siç thotë dëshiron të sqarojë disa pika, mbi ato që i quajti keqraportime lidhur me një iniciativë paqeje të propozuar nga SHBA dhe aleatët, raporton A2.
Në të thuhet se Izraeli ndan qëllimet e iniciativës, që do ti mundësonte qytetarëve të shpërngulur kthimin në shtëpitë e veta. Propozimi për një armëpushim 21 ditor, që u mbështet nga një bllok prej 12 vendesh, përfshirë SHBA, Francën dhe Britaninë fillimisht u prit me optimizëm, shkruan A2.
Por shpresat u zbehën kur Netanjahu shprehu qëndrimin e tij të vendosur. “Politika ime është e qartë. Do të vazhdojmë të godasim Hezollahun me fuqi të plotë dhe nuk do të ndalemi.”
Izraeli vazhdon sulmet kundër pozicioneve të Hamas në jug të Libanit dhe luginën e Bekas, e sipas ministrisë së Shëndetësisë ka shkaktuar të paktën 92 viktima gjatë së enjtes.
Hezbollahu konfirmoi se një sulm ajror ndaj një blloku apartamentesh në jug të Beirutit kishte vrarë kreun e njësisë së dronëve Mohammad Surur, përcjell A2.
Sakaq, milicia e armatosur lëshoi dhjetëra raketa në drejtim të qytetit të Kiryat Ata dhe 80 të tilla kundër qytetit të Safed, në veri të Izraelit. Mbi 90 mijë njerëz janë shpërngulur në Liban që prej së hënës, përveç mbi 100 mijë të tjerëve që ishin zhvendosur më herët.
Pasi u takua me homologët britanikë dhe australian në Londër sekretari i Mbrojtjes së SHBA Lloyd Austin paralajmëroi se ajo mes Izraelit dhe Hezbollahut rrezikonte të kthehej në një luftë të plotë, por se një zgjidhje diplomatike ishte ende e mundur. (A2 Televizion)
A2 CNN Livestream
MUND TE LEXONI GJITHASHTU
