Ambasadori i Izraelit në Kombet e Bashkuara, Danny Danon, tentoi t’ia dorëzonte një diplomati iranian pajisjen Starlink që kryeministri Benjamin Netanyahu kishte përdorur gjatë fjalimit të tij të enjten.
Ashtu si në paraqitjet e mëparshme në OKB, Netanyahu përdori objekte si mjete ilustruese gjatë fjalimit, duke ngritur një pager të lidhur me një sulm ku u vranë dhe u plagosën anëtarë të Hezbollahut, të mbështetur nga Irani, në Liban, si dhe një pajisje Starlink për internet satelitor, për të cilën tha se do t’ia linte delegacionit iranian.
“Mendova se ishte e përshtatshme t’jua jepja Starlink-un. Nëse e dëgjuat kryeministrin, mund të jetë shumë e dobishme për ju që t’i lejoni popullit iranian të fitojë lirinë, pas asaj që i keni bërë. Pra, doni ta merrni me vete në Teheran? Mund të jetë shumë e dobishme për ju në Iran. Ne e duam popullin iranian dhe lutemi për ndryshimin e regjimit atje. Ajo ditë do të vijë”, tha Danon.
Irani vendosi një ndërprerje mbarëkombëtare të internetit në janar 2026, në përgjigje të protestave të përhapura në të gjithë vendin, duke i hequr zyrtarisht kufizimet në fund të majit.
Netanyahu mbrojti me forcë veprimet e Izraelit në rajon gjatë fjalimit në OKB të enjten, në përpjekje për të kundërshtuar izolimin ndërkombëtar në rritje, përpara zgjedhjeve që ai mund t’i humbasë, ndërsa dhjetëra delegatë u larguan nga salla. (A2 Televizion)
A2 CNN Livestream
MUND TE LEXONI GJITHASHTU
