Kryeministri i Hungarisë, Viktor Orban tha se "është e nevojshme" që liderët e Rusisë dhe Ukrainës të takohen për t'i dhënë fund luftës midis dy vendeve. I pyetur nga mediat nëse një takim midis Vladimir Putin dhe Volodymyr Zelenskyy ishte i mundur, kryeministri hungarez tha është tepër e nevojshme.
“Sigurisht. Është e nevojshme! Gjëja e parë është që nëse nuk ka komunikim, nuk ka mundësi për të ndalur luftën. Pra komunikimi është numri një. Shumë pak luftëra në historinë evropiane kanë vazhduar pa komunikim me palët luftarake. Dhe kjo që po bëjmë është e keqe sepse ne nuk kemi linjë komunikimi me rusët, pra ne kemi nevojë për komunikim me Rusinë, e dyta është armëpushimi i pranuar nga të dyja palët ndërluftuese”, citon A2 kryeministri hungarez.
Orban ishte i pranishëm në Forumin Ambrosetti në, Itali, ku mori pjesë në një panel diskutimi. Sipas programit, në forum do të marrë pjesë edhe presidenti ukrainas, me të cilin Orbwn tha se ka "marrëdhënie të mira" edhe pasi udhëheqësi hungarez u takua me njeriun që nisi një pushtim të Ukrainës.
Në javët e para të mandatit gjashtëmujor të Hungarisë që mban presidencën e Këshillit të BE-së, Orbwn u përpoq të paraqitej si një "paqebërës" në konfliktin e Ukrainës, duke bërë një vizitë të befasishme në Kiev për t'u takuar me Zelenskyy, dhe më pas fluturoi për në Moska të njëjtën javë për t'u ulur me Putinin. Por nacionalisti Orban, i cili ka mbështetur Donald Trump për zgjedhjet e ardhshme presidenciale në SHBA, tha të premten se paqja nuk do të arrihej kurrë pa mbajtur linjat e komunikimit të hapura me Ukrainën dhe Rusinë. Orban vlerësoi gjithashtu "qasjen e marrëveshjes" të Trump dhe tha se Evropa do të duhet të bashkëpunojë me pjesën lindore të botës për të përmirësuar konkurrencën e saj ekonomike, transmeton A2.
Hungaria, e cila ka mbajtur lidhje të ngushta me Rusinë që nga pushtimi i Ukrainës nga Moska në shkurt 2022, ka mbajtur presidencën e radhës gjashtëmujore të BE-së që nga korriku.
(A2 Televizion)
A2 CNN Livestream
MUND TE LEXONI GJITHASHTU
