Shpërthime janë dëgjuar në Gaza pasi kryeministri i Izraelit, Benjamin Netanyahu, urdhëroi ushtrinë e tij të kryejë sulme “të fuqishme”.
Sipas mediave të huaja, dëshmitarët raportojnë zhurmën e shpërthimeve dhe të shtënave me tanke në qytetin e Gazës dhe Deir al-Balah.
Kjo lëvizje vjen pasi Netanyahu akuzoi Hamasin për shkelje të armëpushimit në territor, përcjell A2 CNN.
Një deklaratë nga zyra e kryeministrit tha: “Pas konsultimeve për sigurinë, Kryeministri Netanyahu udhëzoi eshalonin ushtarak që të kryente menjëherë sulme të fuqishme në Rripin e Gazës.”
Hamasi tha sot se do të shtyjë dorëzimin e planifikuar të trupit të një pengu, duke pretenduar shkelje të armëpushimit të mbështetur nga SHBA-të, nga Izraeli.
Njoftimi për sulme erdhi menjëherë pasi Izraeli tha se Hamasi kishte hapur zjarr ndaj forcave të tij në jug të Gazës sot. (A2 Televizion)
A2 CNN Livestream
MUND TE LEXONI GJITHASHTU
