Orë zjarri mes Izraelit dhe Hezbollahut, që u përfshinë në shkëmbime të rënda sulmesh. Avionët izraelitë ndërmorën bombardimet më intensive në gati 1 vit luftë përreth jugut të Libanit, ndërsa Hezbollahu lëshoi breshëri raketash në thellësi të territorit izraelit.
Ky i fundit njoftoi se kishte interceptuar 105 raketa të lëshuara nga Libani verior, që kishin në shënjestër zona industriale dhe ushtarake. Sipas Hezbollahut breshëria e raketave ishte lëshuar në kundërpërgjigje të sulmeve të telekomanduara të izraelit në Liban, javën e kaluar.
Gjithashtu ushtria izraelite ka vijuar sulmet në territorin e Libanit, pas bombardimeve ajrore të së premtes në Bejrut, ku sipas autoriteteve atje u vranë 37 persona, përfshirë 3 fëmijë, raporton A2 CNN. Forcat e mbrojtjes izraelite thanë se kishin goditur 290 shënjestra gjatë bombardimeve intensive.
Gjatë orëve të fundit kemi bombarduar gjerësisht Libanin jugor, pas informacioneve se Hezbollahu për përgatitej të sulmonte territorin izraelit. dhjetëra avionë lufte vijojnë sulmet duke goditur pozicione të terroristëve dhe raketahedhëse që kërcënojnë civilët izraelitë.
Izraeli mbylli shkollat, kufizoi grumbullimet në zonat veriorë dhe urdhëroi spitalet të spostonin operacionet në struktura me mbrojtje shtesë nga raketat dhe zjarri I artilerisë. Banorëve ju kërkua të qëndrojnë në vendstrehime dhe godina të sigurta. Sirenat e alarmit u dëgjuan përgjatë gjithë natës në Izrael teksa raketat të shumta u lëshuan jo vetëm nga Libani por edhe Iraku. U goditën disa godina, përfshirë në qytetin e Haifës. (A2 Televizion)
A2 CNN Livestream
MUND TE LEXONI GJITHASHTU
