Papa Françesku mbërriti në kryeqytetin indonezian Xhakara, duke nisur kështu udhëtimin me të gjatë e më të largët gjatë papatit të tij në rajonin e Azi Paqësorit. Ai pritet të adresojë shqetësimet ambientaliste dhe rëndësinë e dialogut ndërfetar gjatë vizitës 12 ditore ku do të ndalojë edhe në Papua Guniea e Re, Singapor dhe Timor-Leste, i vetmi nga 4 vendet që dominohet nga katolikët, shkruan A2 CNN.
Ky është një udhëtim veçanërisht sfidues për një njeri që mbush 88 vjeç në dhjetor, dhe që është përballur me një sërë problemesh shëndetësore. Azi Paqësori është një prej të paktave vende në botë ku Kisha Katolike porritet në aspektin e besimtarëve të pagëzuar dhe vokacioneve fetare.
Pjesë të udhëtimit të Papës, që fillimisht ishte planifikuar në 2020 por që u shty për shkak të pandemisë, do të jetë nën gjurmët e Gjon Palit të 2 i cili gjithashtu vizitoi 4 shtetet gjatë Papatit të tij 27-vjeçar. Që prej zgjedhjes së tij në 2013, Françesku i ka bërë thirrje Kishës Katolike të përcjellë ngrohtësinë e Zotit drejt periferisë, duke ju referuar komuniteteve të margjinalizuara. Ai është Papa i tretë që viziton Indonezinë, që ka dhe popullsinë më të madhe myslimane, në botë. (A2 Televizion)
A2 CNN Livestream
MUND TE LEXONI GJITHASHTU
