Presidenti amerikan Donald Trump është takuar ditën e sotme në Shtëpinë e Bardhë me kancelarin gjerman Friedrich Merz.
Sipas mediave të huaja, Trump u tregoi gazetarëve se çfarë i tha Presidenti rus Vladimir Putin, në telefonatën e tyre të djeshme në lidhje me përgjigjen e Moskës ndaj sulmit të Ukrainës në aeroportet thellë brenda Rusisë.
“Ata shkuan thellë në Rusi dhe ai [Putini] në fakt më tha se nuk kemi zgjidhje tjetër veçse të sulmojmë bazuar në këtë zhvillim dhe ndoshta nuk do të jetë e bukur”, tha Trump, shkruan A2 CNN.
"Nuk më pëlqen, thashë mos e bëj, nuk duhet ta bësh, duhet ta ndalosh", shtoi Trump më tej.
Trump vijoi duke thënë se “ka shumë urrejtje” midis dy palëve, por ai mbetet optimist për mundësinë e një marrëveshjeje armëpushimi.
Ai i referohet armëpushimit midis Indisë dhe Pakistanit dhe thotë: "Do të doja të bënim të njëjtën gjë me Ukrainën dhe Rusinë".
"Në një moment do të ndodhë, besoj se kështu do të ndodhë", shton ai, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
