Presidenti i SHBA Joe Biden ka njoftuar një ndalim të shpimit për naftë dhe gaz në det të hapur përgjatë pjesës më të madhe të vijës bregdetare të Amerikës, disa javë përpara se Donald Trump të marrë detyrën.
Sipas mediave të huaja, gjatë fushatës së tij, Trump u zotua të "lëshojë" prodhimin vendas të karburanteve fosile në një përpjekje për të ulur kostot e gazit, pavarësisht se SHBA-të tashmë shohin norma të larta rekord të nxjerrjes së tij.
Ndalimi i shpallur nga Biden mbulon të gjithë bregdetin e Atlantikut dhe Gjirin lindor të Meksikës, si dhe bregun e Paqësorit pranë Kalifornisë, Oregon e Uashington, dhe një pjesë të Detit Bering jashtë Alaskës, shkruan A2 CNN.
Ky është i fundit në një varg veprimesh të politikës klimatike të minutës së fundit nga administrata Biden përpara kthimit të Trump në Shtëpinë e Bardhë.
Biden tha në një deklaratë: "Vendimi im pasqyron atë që komunitetet bregdetare, bizneset dhe plazhistët e kanë njohur për një kohë të gjatë: se shpimi në këto brigje mund të shkaktojë dëme të pakthyeshme në vendet që ne i duam dhe është e panevojshme për të përmbushur nevojat e kombit tonë për energji.
“Nuk ia vlen rreziqet”, shtoi Presidenti Biden, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
