Presidenti i SHBA-ve, Donald Trump është akuzuar për "thirrje për spastrim etnik" pasi ka propozuar që e gjithë popullsia palestineze e Gazës të zhvendoset në pjesë të tjera të Lindjes së Mesme.
Sipas mediave të huaja, demokratja Rashida Tlaib, e vetmja anëtare palestinezo-amerikane e Kongresit Amerikan, tha: "Ky president po bën thirrje hapur për spastrim etnik ndërsa është ulur pranë një krimineli gjenocidi e lufte”.
"Ai ndihet shumë mirë duke hequr nga puna amerikanët që varen nga fondet federale, ndërkohë që fondet për qeverinë izraelite vazhdojnë të rrjedhin", tha ajo më tej, shkruan A2 CNN.
Zhvendosja e detyruar e popullsisë së Gazës ka të ngjarë të jetë një shkelje e ligjit ndërkombëtar.
Ajo do të kundërshtohej ashpër jo vetëm në Lindjen e Mesme, por edhe nga aleatët perëndimorë të Amerikës.
Trump gjithashtu ka dështuar të ofrojë ndonjë specifikë se si mund të zbatohet një proces rivendosjeje.
Disa ekspertë kanë thënë se ideja i bën jehonë dëshirave të së djathtës ekstreme të Izraelit, me ish-këshilltarin e Lindjes së Mesme Aaron David Miller që tha se komentet e Trump i kishin dhënë Netanyahut një "ndihmë të madhe".
"Ai vërtetoi pothuajse çdo fantazi të krahut të djathtë në Izrael," tha ai, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
