Kryeministri britanik Rishi Sunak vizitoi Mbretin Charles në Buckingham Palace për herë të parë që nga diagnostikimi i tij me kancer. Kryeministri Sunak, inkurajoi Mbretin Charles për mbështetjen që ai gëzon në popull dhe vëmendjen që i ka kushtuar mbarë opinioni publik gjatë kohës që ishte i shtruar në spital.
Mbreti tha: "Kam pasur kaq shumë mesazhe dhe letra të mrekullueshme. Më kanë bërë të qaj shumicën e kohës".
Kryeministri dhe monarku folën gjithashtu se si lajmet e mbretit për kancerin kanë vënë në qendër të vëmendjes shumë organizata bamirëse jetike për sëmundjen e kancerit.
Mbreti Charles ka qëndruar kryesisht në oborrin e familjes mbretërore që kur pallati zbuloi më 5 shkurt se monarku ishte diagnostikuar me kancer. Megjithatë, ai ka udhëtuar në Londër për kurim si dhe takime me stafin e pallatit. (A2 Televizion)
A2 CNN Livestream
MUND TE LEXONI GJITHASHTU
