Qyteti i Gazës është shndërruar zyrtarisht në një zonë lufte. Miliona palestinezë janë urdhëruar që të largohen, ndërsa sulmet e ushtrisë së Izraelit nuk kanë të ndalur.
Sipas një raporti fillestar nga agjencia e lajmeve Wafa, të paktën 22 civilë palestinezë u vranë dhe dhjetëra të tjerë u plagosën në bombardimet izraelite gjatë natës, të cilat shënjestruan disa zona të Rripit të Gazës.
Sipas burimeve lokale, ushtarët e IDF hapën zjarr me mitralozë të rëndë drejtpërdrejt mbi civilët që prisnin ndihmë në Gazën jugore dhe Rripin e Gazës qendrore, duke vrarë pesë persona dhe duke plagosur shumë të tjerë. Trupat e tre personave të tjerë u gjetën nga ekipet e shpëtimit dhe mbrojtjes civile pasi një shtëpi në kampin e refugjatëve Nuseirat u bombardua në agim.
Sipas Ministrisë së Shëndetësisë të Hamasit, dhjetë banorë të Gazës, përfshirë tre fëmijë, kanë vdekur nga kequshqyerja në 24 orët e fundit. Ministria pretendon se 332 persona, përfshirë 124 fëmijë, kanë vdekur nga uria që nga fillimi i luftës.
“Gjermania nuk do të mbështesë sanksionet e Bashkimit Europian kundër Izraelit për momentin për shkak të situatës katastrofike humanitare në Rripin e Gazës”, tha Ministri i Jashtëm gjerman Johann Wadephul me mbërritjen e tij në Këshillin Joformal të Jashtëm të BE-së në Kopenhagen.
Pezullimi i fondeve të Horizon për Tel Avivin “nuk ka gjasa të ketë ndonjë ndikim në vendimmarrjen politike dhe veprimet ushtarake të Izraelit në Rripin e Gazës”, theksoi ministri i jashtëm gjerman, shkruan A2 CNN.
Berlini, nga ana tjetër, po kufizon furnizimet me armë për Izraelin, shtoi Ëadephul, duke besuar se kjo është “shumë e rëndësishme dhe e nevojshme”. Ndërkohë, Spanja njofton se i ka propozuar BE-së një plan veprimi për të ndaluar luftën në Gaza. (A2 Televizion)
A2 CNN Livestream
MUND TE LEXONI GJITHASHTU
