Rusia goditi Ukrainën me një tjetër valë raketash e dronësh, një ditë pas sulmeve më të mëdha ajrore që prej fillimit të luftës. Sirenat e alarmit u dëgjuan në orët e para të së martës, teksa monitoruesit ukrainas detektuan raketa hipersonike të Moskës, Kinzhal.
U raportuan gjithashtu edhe sulme masive me dronë, ndërsa u shënjestrua infrastruktura civile në Krivi Rih, Zaporizhia, Kiev, Sumi e Mikolaiv, siç shkruan A2 CNN. Të paktën 4 persona u vranë gjatë natës, sipas forcave të mbrojtjes ajrore në Ukrainë, që bënë me dije se i gjtihë vendi është nën kërcënimin e sulmeve me armë balistike.
Siç thuhet, Moska lëshoi 10 raketa dhe 81 dronë gjatë natës, me ushtrinë e Kievit që kishte rrëzuar 5 raketa dhe 60 dronë. Sakaq, Ministria e Mbrojtjes në Rusi, bëri të ditur se artileri e precizionit të lartë, me rreze të gjatë me bazë në ajër dhe det, ishte përdorur për të shënjestruar centrale elektrike dhe infrastrukturë të lidhura me to rreth Ukrainës, përfshirë në Kiev, Lviv, Harkiv dhe Odesa.
Goditja e re vjen një ditë pas sulmit masiv me raketa e dronë, ku mbetën të vrarë të paktën 7 persona dhe u plagosën dhjetëra të tjerë, në disa rajone ukrainase. Në shënjestër u vu infrastruktura energjitike, çka shkaktoi “blackout” në shumë qytete dhe dëmtoi rrjete të furnizimit me ujë.
Sulmet e fundit po konsiderohen si një përpjekje e Moskës për të rimarrë kontrollin në konflikt, pas fitoreve të siguruara nga Ukraina në rajonin rus të Kursk. Presidenti amerikan Joe Biden i cilësoi sulmet si mizore dhe u zotua se Uashingtoni do të vazhdojë të mbështesë Ukrainën./ A2 Televizion (A2 Televizion)
A2 CNN Livestream
MUND TE LEXONI GJITHASHTU
