Ashtu si forcat ukrainase po humbasin terrenin e tyre në xhepin e rajonit të Kurskut të Rusisë që pushtuan vitin e kaluar, ato kanë organizuar një inkursion deri tani pak të publikuar në rajonin fqinj të Belgorodit, sipas blogerëve ushtarakë rusë.
Mediat e huaja bëjnë të ditur se disa korrespondentë ushtarakë rusë raportuan sot se trupat ukrainase ishin brenda Belgorod dhe po luftonin atje me forcat ruse.
As Kievi dhe as Moska nuk i kanë konfirmuar raportet, megjithëse ministria ruse e Mbrojtjes tha 10 ditë më parë se forcat e saj kishin penguar pesë përpjekje të Ukrainës për të kaluar përtej kufirit në Belgorod.
Ushtria e Ukrainës nuk ka komentuar ndonjë goditje në rajonin e Belgorodit nga forcat e Kievit, megjithëse kjo mund të jetë për arsye sigurie operacionale, shkruan A2 CNN.
Andrii Kovalenko, një zyrtar në Këshillin Kombëtar të Mbrojtjes dhe Sigurisë të Ukrainës, sugjeroi në një deklaratë në fillim të këtij muaji se forcat ukrainase mund të veprojnë në rajonin e Belgorodit, duke "neutralizuar kërcënimet" nga forcat ruse që mund të grumbullohen pranë kufirit.
Dhe Rybar, një blog ushtarak rus me 1.3 milionë abonentë, tha se kishte pasur përplasje të rënda në një vendbanim të quajtur Popovka dhe secila palë po godiste tjetrën me dronë. Një tjetër llogari në Telegram, Two Majors, tha se forcat ruse po kryenin "operacione mbrojtëse".
“Ka sulme të vazhdueshme ndaj përqendrimeve të Forcave të Armatosura të Ukrainës, por armiku ende ka potencial serioz sulmues për këtë drejtim dhe nuk ka braktisur planet për përparime të mëtejshme, përfshirë në zona të reja të frontit”, thuhet në deklaratë.
Një blog i tretë ushtarak, Arkhangel Spetsnaza, raportoi për luftime në një fshat të quajtur Demidovka dhe tha se disa ushtarë ukrainas ishin të rrethuar atje.
Ndërkohë raportet nuk janë konfirmuar në mënyrë të pavarur. (A2 Televizion)
A2 CNN Livestream
MUND TE LEXONI GJITHASHTU
