Rusia është prekur nga një sulm masiv me dronë ku si pasojë autoritetet ruse kanë bërë evakuimin e pjesshëm të banorëve. Sulmi me dron ndodhi në rajonin Tver. Videoja dhe imazhet e publikuara nga mediat ndërkombëtare shfaqin zjarrin e gjigand si pasojë e bombardimeve, shkruan A2 CNN. Sulmi ka ndodhur në një liqen në rajonin që shtrihet në veriperëndim të Moskës dhe jo shumë larg kufirit me Bjellorusinë.
Sipas një raporti të agjencisë shtetërore të lajmeve RIA nga viti 2018, Rusia në vendin ku ndodhur sulmi po ndërton sisteme të mëdha për ruajtjen e raketave, municioneve dhe eksplozivëve. Media shtetërore ruse theksojnë se atje kishte një arsenal i madh për armët konvencionale. Nuk jepen informacione për viktima të mundshme.
Nga ana e tyre, njësitë ruse të mbrojtjes ajrore shkatërruan 54 dronë që Ukraina i lëshoi gjatë natës kundër pesë rajoneve perëndimore të Rusisë, thanë agjencitë shtetërore të lajmeve ruse të një raporti nga ministria ruse e mbrojtjes. Guvernatorët rajonalë nuk raportuan dëme nga ato sulme. Si hakmarrje Rusia ka sulmuar rajonin e Zaporizhzhias, duke vrarë të paktën dy civilë dhe duke plagosur pesë të tjerë. Informacioni është bërë i ditur nga guvernatori Ivan Fedorov, i cituar nga Kyiv Independent. Ekipet e shpëtimit, shtoi ai, aktualisht janë duke kërkuar për njerëz nën rrënoja.
Sakaq, Sekretari i Përgjithshëm i NATO-s, Jens Stoltenberg, ka folur për mundësinë e krijimit të një aksi të ri dhe konkret, midis Moskës, Teheranit, Pekinit dhe Phenianit. Në një intervistë për The Times, Stoltenberg thekson se, Ruisa po afrohet përherë e më shumë me Kinën. “Rusia po i hipotekon të ardhmen e saj Pekinit dhe, natyrisht, nuk po e merr këtë falas. Kina është një nxitës vendimtar i luftës së Rusisë kundër Ukrainës. Kina po mbështet ekonominë ruse të luftës dhe Kina po jep komponentët, mikroelektronikën, mikroprocesorët që Rusia po përdor për të ndërtuar raketat dhe bombat që po përdor në Ukrainë”, tha Stoltenberg.
Sipas raportimeve të “The Times”, Rusia ka marrë një dërgesë prej më shumë se 200 raketash balistike nga Irani në një port në Detin Kaspik. (A2 Televizion)
A2 CNN Livestream
MUND TE LEXONI GJITHASHTU
