Përpara se të udhëtonte për në Serbi priti një mysafir shumë të rëndësishëm. Presidenti Emmanuel Macron takoi në Paris kryeministrin e Britanisë së Madhe, Keir Starmer, në vizitën e parë të këtij të fundit në Francë që prej marrjes së detyrës.
Dy liderët folën për Ukrainën, luftën në Lindjen e Mesme, shërimin e marrëdhënieve mes Britanisë dhe Europës, si dhe për raportet bilaterale Londër-Paris.
“Diskutuam me presidentin për një numër çështjesh, natyrisht për politikën e jashtme që për momentin është me rëndësi. Folëm për situatën në Ukrainë, atë në Lindjen e Mesme, çështjet bilaterale në fushën e tregtisë, mbrojtjes dhe sigurisë, por gjithashtu edhe për një rifillim të gjerë që unë dëshiroj në marrëdhëniet tonë, jo vetëm me Francën, por me Bashkimin Europian në përgjithësi. Pra ato ishin temat që folëm si pjesë e rifillimit dhe rindërtimit të raporteve”, tha kryeministri britanik.
Kjo ndalesë e Starmer vjen pas vizitës në Berlin, ku bashkë me kancelarin gjerman, Olaf Scholz, u pajtuan për një traktat ambicioz që mbulon një sërë çështjesh nga siguria, tregtia e deri tek luftimi i emigracionit të paligjshëm.
Por fokusi ishte te rifillimi i marrëdhënieve të Britanisë së Madhe me Bashkimin Europian. Laburisti Starmer shprehu vullnetin e tij për të lënë pas përplasjet dhe krisjet e krijuara nga qeveria e kaluar konservatore. Megjithatë konfirmoi se Brexit do të mbesë. (A2 Televizion)
A2 CNN Livestream
MUND TE LEXONI GJITHASHTU
