Benjamin Netanyahu ka deklaruar të dielën se sulmi izraelit ndaj Hezbollahut në Liban “nuk përfundon me aq.” Kryeministri izraelit deklaroi se mbrojtja ajrore e vendit interceptoi të gjitha raketat dhe dronët që u lëshuan drejt Izraelit.
Ai deklaroi po ashtu se liderët e Hezbollahut dhe të Iranit duhet ta dinë se përgjigja ishte thjesht një hap i radhës drejt ndryshimit të situatës në veri dhe kthimit të banorëve në shtëpitë e tyre.
“Hezbollahu u përpoq të sulmonte shtetin e Izraelit me raketa dhe dronë herët në mëngjes. Ne udhëzuam IDF të kryente një sulm të fuqishëm parandalues për të neutralizuar kërcënimin. IDF shkatërroi mijëra raketa me rreze të shkurtër dhe të gjitha ato kishin për qëllim të dëmtonin qytetarët tanë dhe forcat tona në Galile. Përveç kësaj, IDF-ja kapi të gjitha UAV-të (avionet pa pilot) që Hezbollahu nisi për një qëllim strategjik në qendër të vendit. Ne po godasim Hezbollahun në mënyra që s’e pret...”
Nga ana tjetër, një zyrtar i Hezbollahut deklaroi më herët gjatë ditës së sotme se sulmi me raketa dhe dron i grupit, kundër Izraelit këtë mëngjes u bë në shenjë hakmarrjeje për vrasjen e komandantit të tyre të lartë, duke shtuar se kundërpërgjigja u vonua për shkak të “konsideratave politike.” (A2 Televizion)
A2 CNN Livestream
MUND TE LEXONI GJITHASHTU
