Kremlini hodhi poshtë mundësinë e bisedimeve me Ukrainën, mbi planin e paqes për të cilin foli presidenti Volodimir Zelenski. Zëdhënësi Dmitry Peskov e bëri të qartë se Moska do të vazhdojë atë që e quajti operacion special në Ukrainë, pasi për momentin nuk ka bazë për zhvillimin e negociatave.
Kjo nuk është hera e parë që dëgjojmë deklarata të tilla nga përfaqësuesit e regjimit të Kievit. Jemi të vetëdijshëm mbi natyrën e këtij regjimi. Do të vazhdojmë operacionin ushtarak dhe do të arrijmë të gjitha qëllimet tona”, tha Peskov, raporton televizioni A2.
Pa dhënë detaje të plota, presidenti Zelenski tha të martën sedo t’ia prezantonte planin e tij të paqes presidentit amerikan Joe Biden dhe dy pasardhësve të mundshëm të tij, Kamala Harris dhe Donald Trump. Në një konferencë për shtyp, presidenti ukrainas deklaroi se inkursioni tre javor në rajonin rus të Kursk ishte pjesë e këtij plani. Ideja sipas tij është të detyrohet Rusia t’i japë fund luftës.
“Një pjesë e planit po zbatohet aktualisht në Kursk. Pjesa e dytë lidhet me pozicionin strategjik të Ukrainës në infrastrukturën botërore. E treta ka të bëjë me një paketë presioni për të detyruar Rusinë t’i japë fund luftës diplomatike. Dhe e katërta përfshin ekonominë”, tha Zelenski.
Paralelisht me inkursionin tokësor në rajonet kufitare, Ukraina shton presionin ndaj Rusisë edhe përmes sulmeve me dronë. Një sulm i tillë shkaktoi shpërthimin e një zjarri në një depo nafte në rajonin jugor të Rostov. Guvernatori Vasily Golubev konfirmoi raportimet mediatike se një sërë cisternash kishin marrë flakë por tha se nuk kishte viktima./A2 CNN (A2 Televizion)
A2 CNN Livestream
MUND TE LEXONI GJITHASHTU
