VIDEO/ Helikopteri i ushtrisë së Bosnjës rrëzohet mbi një liqen

Nga A2 CNN
28 Gusht 2024, 13:36 | Bota

VIDEO/ Helikopteri i ushtrisë së Bosnjës rrëzohet mbi

Një helikopter i Forcave të Armatosura të Bosnjë-Hercegovinës është rrëzuar këtë të mërkurë në liqenin Jablanica, në pjesën veriore të vendit.

Helikopteri u rrëzua gjatë përgatitjeve përpara një stërvitjeje ushtarake në shkallë të gjerë të Forcave Paqeruajtëse Evropiane (EUFOR) dhe ushtrisë së Bosnje dhe Hercegovinës, e cila do të zhvillohet nesër.

"Për arsye të paspecifikuara, helikopteri ra në liqenin Jablanicka në zonën e Buturovic Polje", tha Ljudevid Marić, zëdhënës i MPB-së së Qarkut Hercegovinë-Neretava, citon A2.

Sipas Ministrisë së Brendshme nga rrëzimi i helikopterit nuk ka viktima, por një anëtar i ekuipazhit ka mbetur i plagosur. Marić shpjegoi se në momentin e aksidentit në helikopter ndodheshin katër anëtarë të ekuipazhit./ A2 CNN (A2 Televizion)

A2 CNN Livestream

Latest Videos