Një spikere e BBC i ka treguar gishtin e mesit kamerës, duke mos qenë në dijeni se transmetimi tashmë kishte nisur. Videoja u bë shumë shpejt virale në rrjet.
Maryam Moshiri shihet teksa bën gjestin e pahijshëm duke parë nga kamera dhe merr pamje serioze disa sekonda më pas pasi kupton ishte “live”.
Moshiri, një nga prezantueset kryesore të rrjetit televiziv, duket se e kupton shpejt se ishte në transmetim dhe nis më pas të lexojë titujt për Boris Johnson.
"Live nga Londra , ky është BBC News," thotë ajo, duke tentuar të mbajë qetësinë pas gjestit që i shpëtoi.
Incidenti ndodhi në orës 12.00 të mesditës me orën e Britanisë së Madhe të mërkurën.
Shikuesit reaguan masivisht në internet. Disa reaguan të indinjuar për mungesën e profesionalizmit nga ana e Moshiri-it, ndërsa të tjerë, shpreheshin me shaka se ndihen njëlloj për vendin e tyre të punës.
Ky nuk është incidenti i parë që ndodhe me BBC Neës. Rrjeti u detyrua të kërkojë ndjesë pasi prezantuesi i motit bëri të njëjtin gjest. (A2 Televizion)
A2 CNN Livestream
MUND TE LEXONI GJITHASHTU
