Britania e Madhe është përfshirë nga moti i keq me stuhi ere, temperatura të ulëta dhe dëborë.
Stuhia ‘Bert’ e cila ka goditur Mbretërinë e Bashkuar dhe Irlandën, ka bërë që vendi të mbulohet nga reshjet e dendura të dëborës, të cilat janë kthyer në problem për qytetarët.
Autostrada Kombëtare ka lëshuar një "alarm për mot të keq" për borën që ka prekur Yorkshire dhe Anglinë verilindore.
Ajo ka paralajmëruar se priten "kushte të stuhive" dhe deri në pesë orë borë e dendur parashikohet të "akumulohet shpejt në të gjitha nivelet".
Ky institucion ka këshilluar drejtuesit e mjeteve që të planifikojnë përpara dhe të lejojnë kohë shtesë udhëtimi.
"Stuhia Bert do të sjellë shi dhe erëra të forta në drejtim të veri-lindjes sot midis orës 5 të mëngjesit dhe orës 15:00. Shiut do t’i paraprijë një periudhë e borës shkatërruese mbi pjesë të Anglisë verilindore," tha ai.
“Ndërsa bora pritet të kthehet në shi nga jugu, priten tre deri në pesë orë borë e dendur, duke çuar në ndërprerje të konsiderueshme të udhëtimeve”, shtoi ai më tej.
"Ndërsa bora kthehet në shi, një shkrirje e shpejtë pritet të ndodhë pasi temperaturat do të rriten shpejt. Priten përmbytje të mundshme të lokalizuara". (A2 Televizion)
A2 CNN Livestream
MUND TE LEXONI GJITHASHTU
