Nisja e fundjavës së Pashkëve ka sjellë një tragjedi të rëndë në bregdetin lindor të Australisë, ku të paktën pesë persona kanë humbur jetën dhe dy të tjerë rezultojnë të zhdukur, pas goditjes së zonës nga dallgë të mëdha dhe mot i rrezikshëm detar.
Në jug të New South Wales, trupi i një burri u gjet të shtunën në ujërat pranë qytetit Tathra. Ky zbulim erdhi vetëm një ditë pasi një peshkatar 58-vjeçar dhe dy burra të tjerë humbën jetën në incidente të ndara brenda të njëjtit shtet.
Autoritetet po vazhdojnë kërkimet për një tjetër burrë që u përfshi nga dallgët në afërsi të Sydney-t, ndërsa në shtetin fqinj të Viktorias, një grup personash u përfshi nga deti në zonën bregdetare të San Remos.
Një grua humbi jetën, ndërsa një burrë nga i njëjti grup rezulton i zhdukur. Vetëm njëra nga gratë që ndodhej me ta arriti të kthehej e sigurtë në breg. (A2 Televizion)
A2 CNN Livestream
MUND TE LEXONI GJITHASHTU
