Presidenti i SHBA-së, Donald Trump, ka nënshkruar një memorandum që i lejon Departamentit të Drejtësisë të rivendosë dënimin me vdekje në Uashington. "Nëse vret dikë, ose nëse vret një oficer policie, një oficer të zbatimit të ligjit, ekziston dënimi me vdekje", u tha Trump gazetarëve në Zyrën Ovale.
Memorandumi udhëzon konkretisht Departamentin e Drejtësisë "që ta zbatojë plotësisht dënimin me vdekje në Uashington, D.C., ku provat dhe faktet e çështjes tregojnë se duhet të përdoret dënimi me vdekje", tha Sekretari i Stafit të Shtëpisë së Bardhë, Will Scharf, shkruan A2 CNN.
Në frontin ekonomik dhe gjeopolitik, presidenti amerikan ka njoftuar një seri të re tarifash. Duke filluar nga 1 tetori, tarifat 100% do të vendosen për çdo produkt farmaceutik të markës ose të patentuar, "përveç nëse një kompani po ndërton objektin e vet të prodhimit farmaceutik në Amerikë", shpjegoi Trump, përcjell A2 CNN.
Gjithashtu në tetor, tarifat prej 50% do të vendosen për mobiljet e kuzhinës dhe banjos dhe produktet e lidhura me to, dhe 25% për importet e kamionëve të rëndë.
Ajo që e ndërlikon situatën ndërkombëtare është alarmi i Brazilit. Ministri i Financave, Fernando Haddad, paralajmëron se tarifat prej 50% të vendosura nga Shtetet e Bashkuara rrezikojnë të nxjerrin nga biznesi shumë kompani eksportuese, të paafta për të mbijetuar pa qasje në tregun amerikan. Trump kishte nënshkruar më parë urdhrin ekzekutiv për të mbyllur TikTok, pas muajsh negociatash mbi aplikacionin kinez. (A2 Televizion)
A2 CNN Livestream
MUND TE LEXONI GJITHASHTU
