Trump reagon pas atentatit të dytë ndaj tij: Jam krenar që jam amerikan

Nga A2 CNN
16 Shtator 2024, 07:48 | Bota

Trump reagon pas atentatit të dytë ndaj tij: Jam krenar që jam

Kandidati për president të Shteteve të Bashkuara të Amerikës, Donald Trump, ka reaguar pas atij që duket se është atentati i dytë ndaj tij në pak kohë. Një person tentoi të qëllojë me armë zjarri pranë fushës së golfit në Mar-a-Lago, ku ndodhej ish-presidenti, i cili fatmirësisht nuk ka lëndime.

Në një postim në rrjetin e tij social, “Truth”, Trump vlerësoi punën e policisë për këtë rast duke e quajtur “absolutisht të jashtëzakonshme”. "Jam krenar që jam amerikan. Dua të falënderoj të falënderoj të gjithë ata që u shqetësuan. Ishte një ditë interesante”, shkroi Trump, raporton A2 CNN.

Për ngjarjen ka reaguar edhe zëvendëspresidentja amerikane dhe rivalja e Trump, Kamala Harris.

“Jam thellësisht e shqetësuar nga përpjekja e mundshme për vrasjen e ish-presidentit Trump. Dënoj dhunën politike. Të gjithë duhet të bëjmë pjesën tonë për të siguruar që ky incident të mos çojë në agravim të dhunës. Përgëzoj autoritetet për vigjilencën e treguar”, ka thënë Harris.

Sipas mediave amerikane, personi që tentoi të qëllojë me armë zjarri pranë fushës së golfit është 58-vjeçari Ryan Routh. (A2 Televizion)

A2 CNN Livestream

Latest Videos