Ambasada e Shteteve të Bashkuara në Bejrut ka publikuar në rrjetet sociale imazhe të presidentit Donald Trump gjatë një takimi me ambasadorin amerikan në Liban, Michel Issa, si dhe me Sekretarin e Shtetit Marco Rubio.
Në një postim në platformën X, ambasada bëri të ditur se takimi është zhvilluar të mërkurën dhe se palët “konfirmuan angazhimin për bisedimet në vazhdim dhe përpjekjet e ambasadës në Bejrut për të mbështetur rikthimin e monopolit të forcës dhe sovranitetit të Libanit”.
Sipas këtij mesazhi, diskutimet janë fokusuar në stabilitetin e Libanit, forcimin e institucioneve shtetërore dhe përpjekjet diplomatike për të ulur tensionet në vend, në një kohë kur rajoni po përballet me pasiguri të shtuar.
Termi “monopol i forcës” i referohet aftësisë së shtetit libanez për të kontrolluar plotësisht përdorimin e armëve dhe forcës brenda territorit të tij, pa praninë e aktorëve të armatosur jashtë institucioneve shtetërore.
Takimi vjen në një moment kur SHBA-ja po intensifikon angazhimin diplomatik në rajon, me synimin për të mbështetur stabilitetin në Liban dhe për të nxitur dialogun politik mes palëve të ndryshme në vend. (A2 Televizion)
A2 CNN Livestream
MUND TE LEXONI GJITHASHTU
