Media greke, "Protothema.gr" ka publikuar një dokumentar nga fronti i luftës në Ukrainë, ku tregon trupa të grupit Wagner, që për çudi luftojnë përkrah ushtarëve të Kievit.
Gazetari grek ka depërtuar në një vend sekret ku njësitë e forcave speciale të përbëra nga rusë- ish-anëtarë të Wagner-it - praktikojnë taktika guerile urbane, ndërsa tregon edhe historinë e “Të Bardhit”, mercenarit që u rekrutua nga Yevgeny Prigozhin nga burgjet ruse dhe përfundoi duke luftuar për palën kundërshtare, duke fituar besimin e forcave ukrainase.
“Trupat e forcave speciale të ushtrisë ukrainase kanë pranuar të na tregojnë se si stërviten çdo ditë në një vend sekret. Udhëzimet janë të qarta dhe koncize dhe në celularët tanë gjeolokacioni është i fikur dhe na është bërë absolutisht e qartë se filmimi në natyrë është i ndaluar.
Të trajnuarit, të gjithë anëtarë të një ekipi shumë specifik, ndodhen çdo ditë në zonën specifike dhe me kombinime të ndryshme të personelit dhe vështirësisë mbahen në “formë” pasi një telefonatë i dërgon në fushat e betejës më të vështirë dhe të rrezikshme”, thotë gazetari.
Karakteristika shumë "e veçantë" e kësaj njësie është se ajo përbëhet nga luftëtarë rusë. Komandanti i tyre me emrin e koduar “Të Bardhit” është madje ish-anëtar i Wagner.
Ky burrë u rekrutua nga Prigozhin në burgjet ruse gjatë muajve të parë të luftës. Kjo ishte periudha kur Wagner po kërkonte "me dëshpërim" ushtarë për të përforcuar linjat e saj në Bahmut. Komandanti i asaj njësie të veçantë u kap kur urdhrat e rusëve ishin që të sulmonin, edhe nëse kjo do të thoshte se nuk kishte kthim prapa.
Ukrainasit, pasi përfunduan procesin e marrjes në pyetje dhe mbledhjes së inteligjencës, i dhanë mundësinë të luftonte për anën e tyre ose të listohej si rob lufte dhe të përdorej në një nga disa shkëmbime të burgosurish midis dy palëve.
“I Bardhi” zgjodhi partneritetin me ukrainasit dhe sot ka fituar në fusha dhe gradën e tij, njëherësh edhe mbështetjen e forcave të armatosura ukrainase.
Vlen të theksohet se njësitë e tjera të ushtrisë ruse kanë dy vjet që luftojnë përkrah ukrainasve. Këto njësi nuk kishin asnjë kontakt me Wagner-in dhe Prigozhinin dhe nuk i përkasin grupit të atyre që u rekrutuan nga burgjet ruse gjatë muajve të parë të pushtimit të territoreve të Ukrainës.
Shërbimet ruse kanë lëshuar urdhër arreste për të gjithë ushtarët rusë dhe ish-mercenarët që janë bashkuar me forcat ukrainase, ndërsa ata prej tyre që veprojnë aktualisht në Kursk dhe Donbas janë gjithashtu objektivi numër një i forcave elitare ruse. (A2 Televizion)
A2 CNN Livestream
MUND TE LEXONI GJITHASHTU
