VIDEOLAJM/ Palestinezët në Ramallah luajnë me raketën e pashpërthyer iraniane

Një nga qindra raketat balistike të lëshuara nga Irani të martën u gozhdua në çatinë e një shtëpie në Izrael. Fotoja e ngarkuar nga llogaria e Mossad tregon raketën iraniane të pashpërthyer që qëndron e ngulur në bazament në Tel Sheva.

Ndërkohë palestinezët në Ramallah u filmuan duke prekur dhe pozuar me një pjesë të një rakete balistike që ra në qytet.

Shumë nga raketat u kapën nga sistemi izraelit i mbrojtjes “Iron Dome” përpara se të arrinin në tokë, por nga sulmi dy persona kanë mbetur të plagosur me shenja prerjesh. Sakaq, një palestinez u raportua i vrarë nga raketat iraniane në Jeriko, në Bregun Perëndimor.

Videot dhe fotot që qarkullojnë në mediat sociale tregojnë një numër krateresh të shkaktuara nga goditjet nga disa prej 180 raketave balistike të lëshuara nga Irani. Një prej tyre tregon një gropë të madhe në rajonin Sharon. (A2 Televizion)