Zjarr i madh në një qendër tregtare në Irak, rreth 50 të vdekur, dhjetëra të plagosur

Rreth 50 persona u vranë ose u plagosën nga një zjarr që shpërtheu në një qendër tregtare në qytetin lindor të Irakut, Qut.

Mediat shtetërore irakiane, duke cituar guvernatorin e provincës Wasit raportuan të mërkurën për ngjarjen.

“Numri i të vdekurve është rreth 50 persona, të vdekur dhe të plagosur, në zjarrin tragjik që shpërtheu në një qendër tregtare të mërkurën vonë në mbrëmje”, tha guvernatori Mohammed al-Miyahi për agjencinë zyrtare irakiane të lajmeve INA.

Ndërkohë, videot në mediat sociale tregojnë flakët që shkatërrojnë ndërtesën pesëkatëshe në Qut.

Guvernatori i provincës Wasit, Mohammed al-Mayahi, tha se zjarri shpërtheu në një supermarket dhe restorant, ku familjet ishin mbledhur për të ngrënë dhe për të bërë pazar. (A2 Televizion)