Sekretari i punëve të jashtme i Mbretërisë së Bashkuar, David Cameron, zgjodhi Kosovën për vizitën e parë zyrtare jashtë vendit të tij për vitin 2024.
Mbrëmjen e së mërkurës zhvilloi një darkë pune me kryeministrin Albin Kurti, i cili shoqërohej nga shumë ministra të tij. Sipas njoftimit të zyrës së shtypit të kryeministrit, Kurti gjatë bisedës foli për garantimin e sigurisë dhe paqes në vend përballë sjelljes agresive dhe kërcënuese të Serbisë.
Ndërsa lordi Cameron, është shprehur krenar për mbështetjen që Britania i ka dhënë Kosovës.
“Duam që të ju ndihmojmë në rrafshin e sigurisë, atë të zhvillimit ekonomik, të qeverisjes dhe në të gjitha çështjet me të cilat përballeni”, raportohet të ketë thënë ministri i jashtëm sipas njoftimit të kryeministrisë.
Këtë qëndrim e zyrtarizoi dhe vetë gjatë konferencës për shtyp me homologen mikpritëse, Donika Gërvalla, madje konfirmoi se do të lobojë për njohje të reja për Kosovën. Gjatë qëndrimit në Prishtinë, zyrtari i qeverisë së Rishi Sunak u takua dhe me presidenten Vjosa Osmani. (A2 Televizion)
A2 CNN Livestream
MUND TE LEXONI GJITHASHTU
