“Na vjen keq, nuk do të përsëritet!” Ka qene ky reagimi i kryeministrit të Maqedonisë së Veriut lidhur me incidentin ne aeroportin e Shkupit ku u përfshi presidentja e Kosovës,Vjosa Osmani.
Gjatë një konference për shtyp, pas takimit me kryeministrin e Kosovës, Albin Kurti, Mickoski tha se nuk dëshiron që incidente të tilla të përsëritet, teksa theksoi se dy shtetet kanë raporte të mira dypalëshe.
Sakaq kryeministri i Kosovës, Albin Kurti, i cili deri më tani nuk ishte shprehur lidhur me ngjarjen në Aeroportin e Shkupit, tha se gjatë takimit autoritetet maqedonase kishin shprehur sërish keqardhjen për ngjarjen ku u përfshi Osmani.
Ai shtoi më tej se po priste një raport pas hetimit zyrtar që do të zbardhte atë që kishte ndodhur.
Megjithatë edhe pse presidenca e ka cilësuar incidentin një provokim, Kurti tha se ky nuk ishte qëndrimi zyrtar i institucioneve në Kosovë.
Vizita e Kurtit në Maqedoninë e Veriut u zhvillua teksa raportet mes dy shteteve janë acaruar për shkak të incidentit të ndodhur më 1 gusht në Aeroportin e Shkupit, ku u përfshi presidentja e Kosovës, Vjosa Osmani.
Presidenca kosovare ka pretenduar se një pjesëtar i sigurimit të Aeroportit të Shkupit ka tentuar t’ia marrë telefonin personal presidentes Osmani, në kundërshtim me praktikat ndërkombëtare dhe Konventës së Vjenës për Marrëdhënie Diplomatike.
Më pas, Ministria e Punëve të Jashtme dhe Diasporës e Kosovës i ka dërguar notë proteste Maqedonisë së Veriut, duke i kërkuar sqarime dhe hetim të rastit të 1 gushtit. Deri më tani Kurti nuk kishte komentuar lidhur me ngjarjen, ndërsa analistët flasin për mosmarrëveshje të ndryshme mes tij dhe presidentes Osmani. (A2 Televizion)
A2 CNN Livestream
MUND TE LEXONI GJITHASHTU
