Jeta parlamentare në Kosovë po hyn në territore të pashkelura më parë.
Ka dështuar dhe seanca e fundit për konstituimin e Kuvendit, ndërsa janë konsumuar të gjitha opsionet për zgjedhjen e nënkryetarit nga radhët e komunitetit serb, shkruan A2 CNN.
Pas ezaurimit të 9 deputetëve nga Lista Serbe, në këtë seancë u eleminua edhe Nenad Rashiq, tek i cili varej shpresa e fundit për përmbyllje të seancës konstituive.
Por partitë shqiptare, që mandatin e kaluar ishin në opozitë, nuk e kanë mbështetur atë me votë. Kryeparlamentari, Dimal Basha, njoftoi se bashkë me nënkryetarët tashmë të zgjedhur, Albulena Haxhiun, Vlora Çitakun dhe Kujtim Shalën, do të mbajnë takim ditën e hënë rreth kësaj situate.
Basha ka thënë që mos-zgjedhja e nënkryetarit serb nuk do të thotë të mos vazhdohet puna e Kuvendit, shkruan A2 CNN.
Megjithatë, Memli Krasniqi nga PDK, pas seancës akuzoi partitë fituese për mos përgjegjësi, duke thënë se të gjithë e dinë se në bazë të Kushtetutës dhe rregullores, Kuvendi nuk konsiderohet i konstituar pa zgjedhjen e nënkryetarit. (A2 Televizion)
A2 CNN Livestream
MUND TE LEXONI GJITHASHTU
