Nëpërmjet një aksioni të ndërmarrë ditët e fundit nga institucionet ligjzbatuese në juglindje të vendit, tregtarët ambulantë që shisnin produktet bujqësore në anë të rrugës nacionale Korçë-Pogradec janë larguar.
Sipas këtyre institucioneve, prania e tyre pranë aksit rrugor përbën rrezik për aksidente dhe cenon sigurinë rrugore.
Më herët policia detyroi tezgat e tyre të largoheshin në një distancë prej 6 metrash nga rruga nacionale. Ndërsa tani, është ndaluar plotësisht shitja e këtyre produkteve anës rrugës.
Ende nuk ka një reagim nga Prefektura e Korçës për këtë aksion, ndërsa vetë shitësit ambulantë shprehen se këto shitje ishin të vetmet mundësi për të nxjerrë të ardhura ekonomike për familjet e tyre. (A2 Televizion)
A2 CNN Livestream
MUND TE LEXONI GJITHASHTU
