Në Laboratorin e Imunohematologjisë në Qendrën Kombëtare të Transfuzionit të Gjakut është instaluar platforma automatike me teknologjinë Real-Time PCR. Lajmin e ka ndarë në rrjetet sociale kryeministri Edi Rama, sipas të cilit kjo teknologji lejon analizimin e ADN-së për të identifikuar me saktësi karakteristikat e gjakut të një individi.
“Mirëmëngjes dhe me instalimin e platformës inovative automatike me Real-Time PCR në Laboratorin e Imunohematologjisë të Qendrës Kombëtare të Transfuzionit të Gjakut, e cila mundëson tipizim molekular të gjakut, përputhshmëri më të saktë për pacientët dhe mbështetje për transfuzione e transplante më të sigurta, ju uroj një ditë të mbarë”, shkruan Rama.
Në videon e shpërndarë nga kreu i qeverisë, Riana Gjyli nga Qendra Kombëtare e Transfuzionit të Gjakut dha më shumë detaje mbi këtë pajisje që do t’u vijë në ndihmë pacientëve.
“Pajisje risi që shfrytëzon një teknologji të avancuar për identifikimin e ADN, të grupeve të gjakut. Teknologji që i vjen në ndihmë pacientëve të politransfuzuar, që kanë zhvilluar antitrupa nga transfuzione të shumta apo për krijimin e një baze dhuruesish me grupe të rralla të gjakut. Shërbim më të sigurt për pacientët tanë me një përputhshmëri më të saktë dhe më pak risqe nga transfuzioni”, u shpreh Riana Gjyli nga Qendra Kombëtare e Transfuzionit të Gjakut. (A2 Televizion)
A2 CNN Livestream
MUND TE LEXONI GJITHASHTU
